jab teri bazm se uTh kar koi nashad aaya

jab tirī bazm se uTh kar koī nāshād aaya

apne anjām kā āġhāz mujhe yaad aaya

merī barbādī meñ kyā koī kasar baaqī hai

aap kā husn-e-taġhāful jo mujhe yaad aaya

ḳhair guzrī ki zabāñ par na shikāyat aa.ī

zikr-e-bedād tirā jab sitam-ījād aaya

aap kahiye ki hai āḳhir ye kahāñ kā insāf

jab gulistāñ meñ bahār aa.ī to sayyād aaya

ye muqaddar hai tajassus meñ sukūn-e-dil ke

dair meñ pahuñche to ka.abe kā ḳhudā yaad aaya

qissa-e-ranj-o-alam aaj sunāne 'zaidī'

terī sarkār meñ pahuñchā thā na kuchh yaad aaya

jab teri bazm se uTh kar koi nashad aaya

apne anjam ka aaghaz mujhe yaad aaya

meri barbaadi mein kya koi kasar baqi hai

aap ka husn-e-taghaful jo mujhe yaad aaya

KHair guzri ki zaban par na shikayat aai

zikr-e-bedad tera jab sitam-ijad aaya

aap kahiye ki hai aaKHir ye kahan ka insaf

jab gulistan mein bahaar aai to sayyaad aaya

ye muqaddar hai tajassus mein sukun-e-dil ke

dair mein pahunche to kabe ka KHuda yaad aaya

qissa-e-ranj-o-alam aaj sunane 'zaidi'

teri sarkar mein pahuncha tha na kuchh yaad aaya