jab tumne mera nam pukara KHushi KHushi

jab tum ne merā naam pukārā ḳhushī ḳhushī

maiñ ho gayā thā tab se tumhārā ḳhushī ḳhushī

dariyā ke jaisī tum meñ nazākat hai is liye

dariyā meñ apnā pair utārā ḳhushī ḳhushī

māñgā tumheñ ḳhudā se to us vaqt jān-e-jāñ

TuuTā falak se ek sitārā ḳhushī ḳhushī

mujh ko hai rahnumā kī zarūrat so aaj tum

merā bhī haath thaam lo yaarā ḳhushī ḳhushī

behtar hai us ke 'ishq meñ furqat na ho kabhī

maiñ is liye hī jang meñ haarā ḳhushī ḳhushī

maiñ zindagī kī maar se girne lagūñ agar

to yaar mujh ko denā sahārā ḳhushī ḳhushī

jis husn ko ġhazal ye sunā doge tum 'mukesh'

ho jā.egā vo yaar tumhārā ḳhushī ḳhushī

jab tum ne mera nam pukara KHushi KHushi

main ho gaya tha tab se tumhaara KHushi KHushi

dariya ke jaisi tum mein nazakat hai is liye

dariya mein apna pair utara KHushi KHushi

manga tumhein KHuda se to us waqt jaan-e-jaan

TuTa falak se ek sitara KHushi KHushi

mujh ko hai rahnuma ki zarurat so aaj tum

mera bhi hath tham lo yara KHushi KHushi

behtar hai us ke 'ishq mein furqat na ho kabhi

main is liye hi jang mein haara KHushi KHushi

main zindagi ki mar se girne lagun agar

to yar mujh ko dena sahaara KHushi KHushi

jis husn ko ghazal ye suna doge tum 'mukesh'

ho jaega wo yar tumhaara KHushi KHushi