jab usne guftugu hi se tasir khinch li

jab us ne guftugū hī se tāsīr khīñch lī

maiñ ne bhī mel-jol meñ tāḳhīr khīñch lī

pahle to mere haath meñ kashkol de diyā

phir yuuñ kiyā ki vaqt ne tasvīr khīñch lī

mere gunāh kyā tirī rahmat se baḌh ga.e

phir kyoñ mirī duāoñ se tāsīr khīñch lī

dil ne abhī liyā hī thā taaza havā meñ saañs

fauran hī tū ne paañv kī zanjīr khīñch lī

ik iḳhtilāf-e-rā.e par is darja barhamī

kyoñ dost tū ne hijr kī shamshīr khīñch lī

jab us ne guftugu hi se tasir khinch li

main ne bhi mel-jol mein taKHir khinch li

pahle to mere hath mein kashkol de diya

phir yun kiya ki waqt ne taswir khinch li

mere gunah kya teri rahmat se baDh gae

phir kyon meri duaon se tasir khinch li

dil ne abhi liya hi tha taza hawa mein sans

fauran hi tu ne panw ki zanjir khinch li

ek iKHtilaf-e-rae par is darja barhami

kyon dost tu ne hijr ki shamshir khinch li