jab usne mujhko markaz-e-asrar kar diya

jab us ne mujh ko markaz-e-asrār kar diyā

saare jahāñ ko bar-sar-e-paikār kar diyā

dushvāriyāñ muhīt thiiñ har har qadam magar

'azm-e-safar ne rāsta hamvār kar diyā

jām-o-subū kī ham ko zarūrat nahīñ rahī

us kī nashīlī āñkhoñ ne sarshār kar diyā

mere vujūd meñ koī taḳhsīs thī kahāñ

shauq-e-karam ne aap ke shahvār kar diyā

jis ne qadam qadam pe diyā saath har daf'a

us ko har ek saañs kā muḳhtār kar diyā

us ke karam kī bārisheñ mujh par huī haiñ jo

ik hāshiye ko markazī kirdār kar diyā

qalb-o-jigar meñ us ne basā kar hameñ ai 'shād'

chāhe zarā sā hī sahī shak-dār kar diyā

jab us ne mujh ko markaz-e-asrar kar diya

sare jahan ko bar-sar-e-paikar kar diya

dushwariyan muhit thin har har qadam magar

'azm-e-safar ne rasta hamwar kar diya

jam-o-subu ki hum ko zarurat nahin rahi

us ki nashili aankhon ne sarshaar kar diya

mere wujud mein koi taKHsis thi kahan

shauq-e-karam ne aap ke shahwar kar diya

jis ne qadam qadam pe diya sath har daf'a

us ko har ek sans ka muKHtar kar diya

us ke karam ki barishen mujh par hui hain jo

ek hashiye ko markazi kirdar kar diya

qalb-o-jigar mein us ne basa kar hamein ai 'shad'

chahe zara sa hi sahi shak-dar kar diya