jab us se milo yar to yara use kahna

jab us se milo yaar to yaarā use kahnā

mushkil hai binā us ke guzārā use kahnā

kahnā ki sabhī sharm ke parde vo uThā de

bāñhoñ kā hameñ de de sahārā use kahnā

ham dauḌe chale ā.eñge āvāz pe us kī

gar us ne kabhī ham ko pukārā use kahnā

gar vāqa'ī vo jaan ke darpe hai hamārī

kar de vo faqat ek ishāra use kahnā

rah rah ke sabhī yaad vo aate haiñ hameñ din

ki jaan kabhī jaan se pyārā use kahnā

haiñ koshisheñ be-sūd sabhī qatl kī mere

martā hai kabhī koī dubāra use kahnā

phaT jā.egā aise to hamārā jigar 'ashraf'

yak-dam na kare ham se kinārā use kahnā

jab us se milo yar to yara use kahna

mushkil hai bina us ke guzara use kahna

kahna ki sabhi sharm ke parde wo uTha de

banhon ka hamein de de sahaara use kahna

hum dauDe chale aaenge aawaz pe us ki

gar us ne kabhi hum ko pukara use kahna

gar waqa'i wo jaan ke darpe hai hamari

kar de wo faqat ek ishaara use kahna

rah rah ke sabhi yaad wo aate hain hamein din

ki jaan kabhi jaan se pyara use kahna

hain koshishen be-sud sabhi qatl ki mere

marta hai kabhi koi dubara use kahna

phaT jaega aise to hamara jigar 'ashraf'

yak-dam na kare hum se kinara use kahna