jab uThe tere aastane se
jab uThe tere āstāne se
jāniyo uTh ga.e zamāne se
din bhalā intizār meñ guzrā
raat kāTeñge kis bahāne se
jaan bhī kuchh hai jo na kiije nisār
mar na jā.eñge us ke jaane se
ek us zulf se uThāyā haath
chhaT ga.e lākhoñ shāḳhsāne se
koī mar jaao kaam hai us ko
apnī tarvār āzmāne se
us ke tīr-e-nigāh ke aage
kuchh hamīñ ban ga.e nishāne se
nā-tavānī tujhe ġhazab aa.e
ga.e us kī galī ke jaane se
kahāñ bangāla aur kahāñ maiñ 'razā'
bas nahīñ chaltā āb-o-dāne se
jab uThe tere aastane se
jaaniyo uTh gae zamane se
din bhala intizar mein guzra
raat kaTenge kis bahane se
jaan bhi kuchh hai jo na kije nisar
mar na jaenge us ke jaane se
ek us zulf se uThaya hath
chhaT gae lakhon shaKHsane se
koi mar jao kaam hai us ko
apni tarwar aazmane se
us ke tir-e-nigah ke aage
kuchh hamin ban gae nishane se
na-tawani tujhe ghazab aae
gae us ki gali ke jaane se
kahan bangala aur kahan main 'raza'
bas nahin chalta aab-o-dane se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
