jab zara naghmon se bulbul gul-fishan ho jaega

jab zarā naġhmoñ se bulbul gul-fishāñ ho jā.egā

Tokarī phūloñ kī saarā āshiyāñ ho jā.egā

jab uThegā josh-e-mai ban jā.egā vo āftāb

jab uḌegā ḳhum kā sar-posh āsmāñ ho jā.egā

jism-o-jāñ kā faisla saarā usī ke haath hai

paañv terī teġh kā ḳhud darmiyāñ ho jā.egā

mo.ajiz-e-shaqqul-qamar dikhlā.egī angusht-e-husn

chāñd tere partave se ḳhud katāñ ho jā.egā

rind haañ ammāma-e-zāhid pe huuñ hath-pheriyāñ

kashtī-e-mai kā ik achchhā bādbāñ ho jā.egā

sar pe chhan chhan kar balā.eñ ā.eñgī ḳhāmosh 'qadr'

aah khīñchoge to chhalnī āsmāñ ho jā.egā

jab zara naghmon se bulbul gul-fishan ho jaega

Tokari phulon ki sara aashiyan ho jaega

jab uThega josh-e-mai ban jaega wo aaftab

jab uDega KHum ka sar-posh aasman ho jaega

jism-o-jaan ka faisla sara usi ke hath hai

panw teri tegh ka KHud darmiyan ho jaega

moajiz-e-shaqqul-qamar dikhlaegi angusht-e-husn

chand tere partawe se KHud katan ho jaega

rind han ammama-e-zahid pe hun hath-pheriyan

kashti-e-mai ka ek achchha baadban ho jaega

sar pe chhan chhan kar balaen aaengi KHamosh 'qadr'

aah khinchoge to chhalni aasman ho jaega