jabran pyas pe pahra hote dekha hai

jabran pyaas pe pahrā hote dekhā hai

maiñ ne dariyā sahrā hote dekhā hai

aañkh meñ maut ke kaale kaale aañsū haiñ

ḳhvāb meñ niiñd ko gahrā hote dekhā hai

āñkheñ monalisa jaisī haiñ us kī

ḳhāmoshī ko chehra hote dekhā hai

dauḌā aatā hai ab har āvāze par

officer ko bahrā hote dekhā hai

jhiil kināre baiThe baiThe kyā tum ne

shaam kā rañg dopahrā hote dekhā hai

peḌ kī gardan par ab aarā rakh bhī do

kis ne kaaTh kaTahrā hote dekhā hai

priit kī jiit pe haarī ḳhud ko maiñ ne 'asvad'

khet samet sunahrā hote dekhā hai

jabran pyas pe pahra hote dekha hai

main ne dariya sahra hote dekha hai

aankh mein maut ke kale kale aansu hain

KHwab mein nind ko gahra hote dekha hai

aankhen monalisa jaisi hain us ki

KHamoshi ko chehra hote dekha hai

dauDa aata hai ab har aawaze par

officer ko bahra hote dekha hai

jhil kinare baiThe baiThe kya tum ne

sham ka rang dopahra hote dekha hai

peD ki gardan par ab aara rakh bhi do

kis ne kaTh kaTahra hote dekha hai

prit ki jit pe haari KHud ko main ne 'aswad'

khet samet sunahra hote dekha hai