jafa-e-charKH ki jaur-e-butan nahin hota

jafā-e-charḳh ki jaur-e-butāñ nahīñ hotā

vafā ke naam pe kyā kyā yahāñ nahīñ hotā

vo apnī ḳhū-e-jafā to nahīñ bhulā baiThe

hai baat kyā jo mirā imtihāñ nahīñ hotā

jo be-niyāz-e-taqāzā-e-āstāñ kar de

vo sajda dosh-e-jabīñ par garāñ nahīñ hotā

ḳhulūs-e-jazba-e-ta.amīr bhī hai shart ai dost

ki chaar tinkoñ kā naam āshiyāñ nahīñ hotā

nigāh-e-yār kā andāz-e-dilbarī tauba

maiñ luT gayā bhī magar bad-gumāñ nahīñ hotā

ye kyā bahār hai kaisī ye fasl-e-gul 'muslim'

ki jis ko dekh ke dil shādmāñ nahīñ hotā

jafa-e-charKH ki jaur-e-butan nahin hota

wafa ke nam pe kya kya yahan nahin hota

wo apni KHu-e-jafa to nahin bhula baiThe

hai baat kya jo mera imtihan nahin hota

jo be-niyaz-e-taqaza-e-astan kar de

wo sajda dosh-e-jabin par garan nahin hota

KHulus-e-jazba-e-tamir bhi hai shart ai dost

ki chaar tinkon ka nam aashiyan nahin hota

nigah-e-yar ka andaz-e-dilbari tauba

main luT gaya bhi magar bad-guman nahin hota

ye kya bahaar hai kaisi ye fasl-e-gul 'muslim'

ki jis ko dekh ke dil shadman nahin hota