jafa-o-makr-o-dagha ki hikayaten kaisi

jafā-o-makr-o-daġhā kī hikāyateñ kaisī

isī kā naam hai duniyā shikāyateñ kaisī

bajā haiñ chhoToñ se tum ko shikāyateñ lekin

dikhā.ī thiiñ unheñ tum ne rivāyateñ kaisī

ye pul-sirāt ko pal pal ubuur karnā hai

haiñ dostī meñ bhī yaaro nazākateñ kaisī

yahāñ zavābit-e-fitrat kī hai amal-dārī

miyāñ kahāñ ke karishme karāmateñ kaisī

muāmlāt pe un kā asar nahīñ paḌtā

huī haiñ ruuh se aarī ibādateñ kaisī

bhaḌak hī jaa.eñ agar koī naam bhī le le

haiñ ab to yāroñ kī ham par ināyateñ kaisī

na Daalā qaum ko mañjdhār meñ to kuchh na kiyā

balā-e-jān haiñ 'az.har' qayādateñ kaisī

jafa-o-makr-o-dagha ki hikayaten kaisi

isi ka nam hai duniya shikayaten kaisi

baja hain chhoTon se tum ko shikayaten lekin

dikhai thin unhen tum ne riwayaten kaisi

ye pul-siraat ko pal pal ubur karna hai

hain dosti mein bhi yaro nazakaten kaisi

yahan zawabit-e-fitrat ki hai amal-dari

miyan kahan ke karishme karamaten kaisi

muamlat pe un ka asar nahin paDta

hui hain ruh se aari ibaadaten kaisi

bhaDak hi jaen agar koi nam bhi le le

hain ab to yaron ki hum par inayaten kaisi

na Dala qaum ko manjdhaar mein to kuchh na kiya

bala-e-jaan hain 'azhar' qayaadaten kaisi