jagah de do zara si dekhne ko

jagah de do zarā sī dekhne ko

mirī āñkheñ haiñ pyāsī dekhne ko

unheñ aane do mere aa.ine tak

jo aa.e haiñ udāsī dekhne ko

tirī puujā ko aayā hai zamāna

tirī ye ek udāsī dekhne ko

ta.affun hai rukāvaT hai ghuTan hai

yahāñ hai bas nikāsī dekhne ko

saḌak ho ghar ho yā dīvār-e-ḳhalvat

vahī manzar hai baasī dekhne ko

yahāñ sab pārsā bin pārsā haiñ

nahīñ hai koī aasī dekhne ko

kasī ne kuchh nahīñ dekhā abhī tak

lagī hai bhiiḌ ḳhāsī dekhne ko

jagah de do zara si dekhne ko

meri aankhen hain pyasi dekhne ko

unhen aane do mere aaine tak

jo aae hain udasi dekhne ko

teri puja ko aaya hai zamana

teri ye ek udasi dekhne ko

taffun hai rukawaT hai ghuTan hai

yahan hai bas nikasi dekhne ko

saDak ho ghar ho ya diwar-e-KHalwat

wahi manzar hai basi dekhne ko

yahan sab parsa bin parsa hain

nahin hai koi aasi dekhne ko

kasi ne kuchh nahin dekha abhi tak

lagi hai bhiD KHasi dekhne ko