jahan baat wahdat ki gahri rahegi
jahāñ baat vahdat kī gahrī rahegī
vahāñ fikr apnī na terī rahegī
lajājat amīroñ se yak-dam uThā de
qanā.at se apnī faqīrī rahegī
na jiine kī ḳhvāhish na marne kā ġham hai
jo hālat hai apnī vo Thahrī rahegī
mujalla huā jab se dil hai hamārā
na marqad meñ apne añdherī rahegī
ghamanD har tarah karnā zebā nahīñ hai
javānī kisī kī na piirī rahegī
ḳhudā.ī kī qudarat ḳhudī se hai 'markaz'
muqallid haiñ jab tak asīrī rahegī
jahan baat wahdat ki gahri rahegi
wahan fikr apni na teri rahegi
lajajat amiron se yak-dam uTha de
qanaat se apni faqiri rahegi
na jine ki KHwahish na marne ka gham hai
jo haalat hai apni wo Thahri rahegi
mujalla hua jab se dil hai hamara
na marqad mein apne andheri rahegi
ghamanD har tarah karna zeba nahin hai
jawani kisi ki na piri rahegi
KHudai ki qudarat KHudi se hai 'markaz'
muqallid hain jab tak asiri rahegi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
