jahan-e-aina-ru hain hum log

jahān-e-ā.īna-rū haiñ ham log

azal se hī surḳh-rū haiñ ham log

yahīñ kahīñ ās-pās hoñge

ba-misl-e-ḳhush-rang-o-bū haiñ ham log

amānateñ apnī sauñpte haiñ

qabīle kī aabrū haiñ ham log

na koī chashma ba-ḳhitta-e-jāñ

ki dasht ke hū-bahū haiñ ham log

kahīñ pe ham haiñ sukūt taarī

kahīñ pe to hā-o-hū haiñ ham log

ham ittifāqan yuuñ mil bhī jaa.eñ

magar mayassar kabhū haiñ ham log

hamīñ haiñ ta.azīm apnī 'rāshif'

ḳhud apnī qadroñ kī ḳhū haiñ ham log

jahan-e-aina-ru hain hum log

azal se hi surKH-ru hain hum log

yahin kahin aas-pas honge

ba-misl-e-KHush-rang-o-bu hain hum log

amanaten apni saunpte hain

qabile ki aabru hain hum log

na koi chashma ba-KHitta-e-jaan

ki dasht ke hu-bahu hain hum log

kahin pe hum hain sukut tari

kahin pe to ha-o-hu hain hum log

hum ittifaqan yun mil bhi jaen

magar mayassar kabhu hain hum log

hamin hain tazim apni 'rashif'

KHud apni qadron ki KHu hain hum log