jahan-e-bewafa kis ka dil-e-nashad hota hai

jahān-e-bevafā kis kā dil-e-nāshād hotā hai

yahāñ jo vaz.a kā pāband hai barbād hotā hai

ġhanīmat hai ki haiñ maujūd abhī duniyā meñ dīvāne

bhalā ahl-e-ḳhirad se mai-kada ābād hotā hai

nazar milte hī dil se mahv ho jaate haiñ sab shikve

vafā yaksar bhulā detī hai jo kuchh yaad hotā hai

jo ik jān-e-hazīñ thī lījiye vo bhī fidā kar dī

ab is ke baad kyā mere liye irshād hotā hai

idhar hai pās-e-tamkīñ us taraf pās-e-vafā hamdam

na husn āzād hotā hai na ishq āzād hotā hai

tire mehr-o-karam par is liye ḳhāmosh rahtā huuñ

ki shukr-e-lutf bhī to shikva-e-bedād hotā hai

jahan-e-bewafa kis ka dil-e-nashad hota hai

yahan jo waza ka paband hai barbaad hota hai

ghanimat hai ki hain maujud abhi duniya mein diwane

bhala ahl-e-KHirad se mai-kada aabaad hota hai

nazar milte hi dil se mahw ho jate hain sab shikwe

wafa yaksar bhula deti hai jo kuchh yaad hota hai

jo ek jaan-e-hazin thi lijiye wo bhi fida kar di

ab is ke baad kya mere liye irshad hota hai

idhar hai pas-e-tamkin us taraf pas-e-wafa hamdam

na husn aazad hota hai na ishq aazad hota hai

tere mehr-o-karam par is liye KHamosh rahta hun

ki shukr-e-lutf bhi to shikwa-e-bedad hota hai