jahan-e-dil mein hue inqalab aur hi kuchh

jahān-e-dil meñ hue inqalāb aur hī kuchh

mirī nigāh ne dekhe the ḳhvāb aur hī kuchh

mile haiñ tālib-e-īfā ko kuchh na.e va.ade

savāl aur hī kuchh thā javāb aur hī kuchh

Darā na nār-e-jahannam se mujh ko ai vaa.iz

mire janam meñ likhe haiñ azaab aur hī kuchh

sajā ke laa.e the kuchh log nāma-e-a.amāl

miyān-e-hashr huā ehtisāb aur hī kuchh

mirī nigāh ko ik umr meñ milā ye bhed

ki husn aur hī kuchh hai shabāb aur hī kuchh

huā hai sail-e-subuk-pā fishār-e-bād se gum

ye aayā marhala-e-inqilāb aur hī kuchh

nahīñ haiñ sat.h pe zāhir abhī nishāñ jis ke

butūn-e-getī meñ hai pech-o-tāb aur hī kuchh

jahan-e-dil mein hue inqalab aur hi kuchh

meri nigah ne dekhe the KHwab aur hi kuchh

mile hain talib-e-ifa ko kuchh nae wade

sawal aur hi kuchh tha jawab aur hi kuchh

Dara na nar-e-jahannam se mujh ko ai waiz

mere janam mein likhe hain azab aur hi kuchh

saja ke lae the kuchh log nama-e-amal

miyan-e-hashr hua ehtisab aur hi kuchh

meri nigah ko ek umr mein mila ye bhed

ki husn aur hi kuchh hai shabab aur hi kuchh

hua hai sail-e-subuk-pa fishaar-e-baad se gum

ye aaya marhala-e-inqilab aur hi kuchh

nahin hain sath pe zahir abhi nishan jis ke

butun-e-geti mein hai pech-o-tab aur hi kuchh