jahan hote kisi chashm-e-sitara-yab mein hote

jahāñ hote kisī chashm-e-sitāra-yāb meñ hote

ham aise log har lahza hisār-e-āb meñ hote

to phir ham par bhī khultā husn tere āriz-o-lab kā

agar kuchh aur chehre bhī hamāre ḳhvāb meñ hote

ye miTTī paañv meñ zanjīr kī sūrat hai varna ham

zamīñ ko chhoḌ kar ik ḳhitta-e-shādāb meñ hote

samundar ko bipharte dekh kar ye jī meñ aatā hai

kabhī ham bhī muqayyad sho.ala-e-mahtāb meñ hote

hameñ bhī kyā zarūrī thā ta.alluq duniyā-dāroñ se

agar ham aap apne halqa-e-ahbāb meñ hote

jahan hote kisi chashm-e-sitara-yab mein hote

hum aise log har lahza hisar-e-ab mein hote

to phir hum par bhi khulta husn tere aariz-o-lab ka

agar kuchh aur chehre bhi hamare KHwab mein hote

ye miTTi panw mein zanjir ki surat hai warna hum

zamin ko chhoD kar ek KHitta-e-shadab mein hote

samundar ko bipharte dekh kar ye ji mein aata hai

kabhi hum bhi muqayyad shoala-e-mahtab mein hote

hamein bhi kya zaruri tha talluq duniya-daron se

agar hum aap apne halqa-e-ahbab mein hote