jahan jahan gae phulon ki anjuman dekhi

jahāñ jahāñ ga.e phūloñ kī anjuman dekhī

mirā bahār se ahd-e-alast hai ai dost

kisī ko pyaas atā ho kisī ko jaam mile

ġham-e-hayāt kī ye sarguzisht hai ai dost

is aabrū ko tirī ḳhū-e-dilbarī kī qasam

ye dilbarī bhī mirī bāzgasht hai ai dost

hilāl ban ke ayaañ haiñ gulāb ban ke khile

rah-e-vafā meñ yahī pesh-raft hai ai dost

hayāt baḌhtī ga.ī parcham-e-vafā le kar

na un kī fat.h na merī shikast hai ai dost

ab un kī yaad pe bhī hukm-e-imtinā.ī hai

dayār-e-dil meñ nayā bandobast hai ai dost

jahan jahan gae phulon ki anjuman dekhi

mera bahaar se ahd-e-alast hai ai dost

kisi ko pyas ata ho kisi ko jam mile

gham-e-hayat ki ye sarguzisht hai ai dost

is aabru ko teri KHu-e-dilbari ki qasam

ye dilbari bhi meri bazgasht hai ai dost

hilal ban ke ayan hain gulab ban ke khile

rah-e-wafa mein yahi pesh-raft hai ai dost

hayat baDhti gai parcham-e-wafa le kar

na un ki fath na meri shikast hai ai dost

ab un ki yaad pe bhi hukm-e-imtinai hai

dayar-e-dil mein naya bandobast hai ai dost