jahan kahin bhi tere nam ki duhai di

jahāñ kahīñ bhī tire naam kī duhā.ī dī

mujhe palaT ke ḳhud apnī sadā sunā.ī dī

nigal rahī thī mire ā.inoñ kī tārīkī

ki phir kahīñ se achānak kiran dikhā.ī dī

tire jamāl ne baḳhshī nigāh miTTī ko

tire ḳhayāl ne taufīq-e-lab-kushā.ī dī

atā hai us kī diyā dil mujhe samundar kā

banā ke chāñd tujhe jis ne dilrubā.ī dī

sunā hai phir kahīñ andhe tamāsh-bīnoñ ne

kisī charāġh ko kal dād-e-ḳhush-numā.ī dī

to umr biit chukī thī chaman mahakne kī

jab us ne qaid se 'rāhat' mujhe rihā.ī dī

jahan kahin bhi tere nam ki duhai di

mujhe palaT ke KHud apni sada sunai di

nigal rahi thi mere aainon ki tariki

ki phir kahin se achanak kiran dikhai di

tere jamal ne baKHshi nigah miTTi ko

tere KHayal ne taufiq-e-lab-kushai di

ata hai us ki diya dil mujhe samundar ka

bana ke chand tujhe jis ne dilrubai di

suna hai phir kahin andhe tamash-binon ne

kisi charagh ko kal dad-e-KHush-numai di

to umr bit chuki thi chaman mahakne ki

jab us ne qaid se 'rahat' mujhe rihai di