jahan mein ab kisi ka bhi kisi ko Dar nahin raha

jahāñ meñ ab kisī kā bhī kisī ko Dar nahīñ rahā

ḳhudā ḳhudā nahīñ rahā bashar bashar nahīñ rahā

kisī ke dard kā yahāñ ilaaj hī nahīñ koī

davā hī kyā duā meñ bhī koī asar nahīñ rahā

machine ban gayā hai aadmī ġham-e-ma.āsh meñ

dhaḌaktā dil pighaltā us kā ab jigar nahīñ rahā

shajar shajar jhulas gayā alam kī tez dhuup meñ

jo ham ko chhāñv de kahīñ koī shajar nahīñ rahā

bike hue haiñ sajde ab har āstāñ hai ik dukāñ

ḳhulūs jis jagah jhuke vo sang-e-dar nahīñ rahā

gunāh kyā savāb kyā jab aa gayā tire huzūr

sazā jazā kā 'sehr' ko koī ḳhatar nahīñ rahā

jahan mein ab kisi ka bhi kisi ko Dar nahin raha

KHuda KHuda nahin raha bashar bashar nahin raha

kisi ke dard ka yahan ilaj hi nahin koi

dawa hi kya dua mein bhi koi asar nahin raha

machine ban gaya hai aadmi gham-e-maash mein

dhaDakta dil pighalta us ka ab jigar nahin raha

shajar shajar jhulas gaya alam ki tez dhup mein

jo hum ko chhanw de kahin koi shajar nahin raha

bike hue hain sajde ab har aastan hai ek dukan

KHulus jis jagah jhuke wo sang-e-dar nahin raha

gunah kya sawab kya jab aa gaya tere huzur

saza jaza ka 'sehr' ko koi KHatar nahin raha