jahan mein aise kuchh insan bhi hain

jahāñ meñ aise kuchh insān bhī haiñ

ki jin se sar-nigūñ tūfān bhī haiñ

Dubo kar duur sāhil par khaḌe haiñ

tamāshā ban ke ḳhud hairān bhī haiñ

bure kāmoñ kā dete mashvara haiñ

yahāñ insāñ-numā shaitān bhī haiñ

ḳhalā meñ tāqateñ do haiñ muqābil

tabassum-rez kuchh tūfān bhī haiñ

na parvāne jalā ai sham'-e-mahfil

adab kar ye tire mehmān bhī haiñ

ta'alluq un se ulfat meñ hai mushkil

ki vo bhūle bhī haiñ anjān bhī haiñ

karam un ke ginā.ūñ ab maiñ kyā kyā

jafāoñ ke bahut 'unvān bhī haiñ

ḳhudā kā fazl kyā kam hai ye 'bāsir'

ki ab ham sāhib-e-dīvān bhī haiñ

jahan mein aise kuchh insan bhi hain

ki jin se sar-nigun tufan bhi hain

Dubo kar dur sahil par khaDe hain

tamasha ban ke KHud hairan bhi hain

bure kaamon ka dete mashwara hain

yahan insan-numa shaitan bhi hain

KHala mein taqaten do hain muqabil

tabassum-rez kuchh tufan bhi hain

na parwane jala ai sham'-e-mahfil

adab kar ye tere mehman bhi hain

ta'alluq un se ulfat mein hai mushkil

ki wo bhule bhi hain anjaan bhi hain

karam un ke ginaun ab main kya kya

jafaon ke bahut 'unwan bhi hain

KHuda ka fazl kya kam hai ye 'basir'

ki ab hum sahib-e-diwan bhi hain