jahan mein KHud ko banane mein der lagti hai

jahāñ meñ ḳhud ko banāne meñ der lagtī hai

kisī maqām pe aane meñ der lagtī hai

urūj-e-vaqt pe jaane meñ der lagtī hai

har ek ilm ko paane meñ der lagtī hai

phir un ke paas bhī jaane meñ der lagtī hai

hamesha un ko manāne meñ der lagtī hai

hamāre shahr mohalle galī kā ab māhaul

bigaḌ gayā to banāne meñ der lagtī hai

anā kī soch ko yā phir anā ke hoñToñ ko

ġhamoñ kā haal batāne meñ der lagtī hai

hai husn vāloñ kā andāz ye zamāne meñ

hai ishq phir bhī jatāne meñ der lagtī hai

ye baat aa.egī tum ko samajh meñ kab 'fayyāz'

bulandī milne meñ paane meñ der lagtī hai

jahan mein KHud ko banane mein der lagti hai

kisi maqam pe aane mein der lagti hai

uruj-e-waqt pe jaane mein der lagti hai

har ek ilm ko pane mein der lagti hai

phir un ke pas bhi jaane mein der lagti hai

hamesha un ko manane mein der lagti hai

hamare shahr mohalle gali ka ab mahaul

bigaD gaya to banane mein der lagti hai

ana ki soch ko ya phir ana ke honTon ko

ghamon ka haal batane mein der lagti hai

hai husn walon ka andaz ye zamane mein

hai ishq phir bhi jatane mein der lagti hai

ye baat aaegi tum ko samajh mein kab 'fayyaz'

bulandi milne mein pane mein der lagti hai