jahan pe ilm ki koi qadr aur hawala nahin

jahāñ pe ilm kī koī qadr aur havāla nahīñ

maiñ us zamīn pe paañv bhī rakhne vaalā nahīñ

maiñ us daraḳht ke andar thā jis ko kaaTā gayā

kisī ne bhī to vahāñ se mujhe nikālā nahīñ

vo apne ahd se aage kī bāteñ karne lagā

bahakte shaḳhs ko duniyā ne phir sambhālā nahīñ

har ek choT pe kuchh aur juḌne lagtā thā

so us ne mujh ko kisī shakl meñ bhī Dhālā nahīñ

ajiib ḳhauf meñ parvān chaḌh rahī hai ye nasl

kisī ke haath meñ bhī zahr kā piyāla nahīñ

ab apnī sāñsoñ se zanjīr toḌnī hai mujhe

ki haath bechne kā aur kuchh izāla nahīñ

jahan pe ilm ki koi qadr aur hawala nahin

main us zamin pe panw bhi rakhne wala nahin

main us daraKHt ke andar tha jis ko kaTa gaya

kisi ne bhi to wahan se mujhe nikala nahin

wo apne ahd se aage ki baaten karne laga

bahakte shaKHs ko duniya ne phir sambhaala nahin

har ek choT pe kuchh aur juDne lagta tha

so us ne mujh ko kisi shakl mein bhi Dhaala nahin

ajib KHauf mein parwan chaDh rahi hai ye nasl

kisi ke hath mein bhi zahr ka piyala nahin

ab apni sanson se zanjir toDni hai mujhe

ki hath bechne ka aur kuchh izala nahin