jahan tum jalwa-farma the wahan parda-nashin main tha

jahāñ tum jalva-farmā the vahāñ parda-nashīñ maiñ thā

mujhe dekhā nahīñ tum ne vahīñ tum the vahīñ maiñ thā

mohabbat kār-farmā jab huī to mil ga.e varna

mohabbat jab na thī tum se kahīñ tum the kahīñ maiñ thā

vo āḳhir kaun thā muusā se pahle dekhne vaalā

azal meñ tum hue the jalva-gar to jalva-bīñ maiñ thā

jahān-e-āb-o-gil meñ merī rif'at pūchhne vaale

ye kal kī baat hai kal sākin-e-ḳhuld-e-barīñ maiñ thā

maiñ ġhamnāk-e-azal rotā huā aayā thā duniyā meñ

ma.āl-e-zīst par apne 'rasā' andoh-gīñ maiñ thā

jahan tum jalwa-farma the wahan parda-nashin main tha

mujhe dekha nahin tum ne wahin tum the wahin main tha

mohabbat kar-farma jab hui to mil gae warna

mohabbat jab na thi tum se kahin tum the kahin main tha

wo aaKHir kaun tha musa se pahle dekhne wala

azal mein tum hue the jalwa-gar to jalwa-bin main tha

jahan-e-ab-o-gil mein meri rif'at puchhne wale

ye kal ki baat hai kal sakin-e-KHuld-e-barin main tha

main ghamnak-e-azal rota hua aaya tha duniya mein

maal-e-zist par apne 'rasa' andoh-gin main tha