jahan un ko un ke ishaaron ko dekha

jahāñ un ko un ke ishāroñ ko dekhā

vahīñ dil kī sāzish ke māroñ ko dekhā

maiñ kuchh be-tukī bāteñ bāteñ sunā duuñ

taḌapte hue ābshāroñ ko dekhā

sitāre bhī sone lage vo na aa.e

ḳhilāf-e-tamannā sahāroñ ko dekhā

bhañvar ke fasāne sunātā rahā huuñ

na sāhil ko dekhā na dhāroñ ko dekhā

jahāñ ḳhud ko dekhā ḳhizāñ hī ḳhizāñ hai

jahāñ un ko dekhā bahāroñ ko dekhā

kiyā ehtijāj is zamāne ne us kā

kisī dhun meñ jab be-qarāroñ ko dekhā

ye chhup-chhup ke yakjā piyeñ 'daur'-o-zāhid

kisī ne bhī in shāhkāroñ ko dekhā

jahan un ko un ke ishaaron ko dekha

wahin dil ki sazish ke maron ko dekha

main kuchh be-tuki baaten baaten suna dun

taDapte hue aabshaaron ko dekha

sitare bhi sone lage wo na aae

KHilaf-e-tamanna sahaaron ko dekha

bhanwar ke fasane sunata raha hun

na sahil ko dekha na dhaaron ko dekha

jahan KHud ko dekha KHizan hi KHizan hai

jahan un ko dekha bahaaron ko dekha

kiya ehtijaj is zamane ne us ka

kisi dhun mein jab be-qararon ko dekha

ye chhup-chhup ke yakja piyen 'daur'-o-zahid

kisi ne bhi in shahkaron ko dekha