jahan zamin ka TukDa makan Thahrega

jahāñ zamīn kā TukḌā makān Thahregā

vahīñ to qāfila-e-jism-o-jān Thahregā

jo sar ḳhamīda ho gardan usī kī jā.egī

jo sar uThā.e vahī hukmrān Thahregā

maiñ chup rahūñ bhī to ilzām aa.egā mujh par

vo sab kahegā magar be-zabān Thahregā

nishāna ek hai aur saath saath chaltā hai

yahī to rishta-e-tīr-o-kamān Thahregā

buland baañg kā lahja thī baat bhī sachchī

har ek lafz mirā ab azaan Thahregā

hamāre daur meñ bhī jī ke dekhiyo 'ġhālib'

zamīñ ke sāmne kyā āsmān Thahregā

jahan zamin ka TukDa makan Thahrega

wahin to qafila-e-jism-o-jaan Thahrega

jo sar KHamida ho gardan usi ki jaegi

jo sar uThae wahi hukmran Thahrega

main chup rahun bhi to ilzam aaega mujh par

wo sab kahega magar be-zaban Thahrega

nishana ek hai aur sath sath chalta hai

yahi to rishta-e-tir-o-kaman Thahrega

buland bang ka lahja thi baat bhi sachchi

har ek lafz mera ab azan Thahrega

hamare daur mein bhi ji ke dekhiyo 'ghaalib'

zamin ke samne kya aasman Thahrega