jaisa dikhta hun agar waisa nahin

jaisā dikhtā huuñ agar vaisā nahīñ

maiñ bhī koī aadmī achchhā nahīñ

aag siine se uThī to ye khulā

raushnī ke tan pe bhī kurtā nahīñ

vaqt kī gardan pe paañv thā mirā

aadmī se bā-ḳhudā jhagḌā nahīñ

raaz rakkho yaar kā paanī bharo

ye ghaḌā kachchā to hai chiknā nahīñ

jhiil meñ bahne lagī hai chāñdnī

kaun kahtā hai yahāñ chashma nahīñ

ek hasrat sī bañdhī hai shāḳh se

lahlahāte phuul kā juuḌā nahīñ

chashm-e-tar ne ek din mujh se kahā

aañkh vo kaasa hai jo bhartā nahīñ

ham mohabbat saath rakhte haiñ 'adīm'

aur yahī sikka yahāñ chaltā nahīñ

jaisa dikhta hun agar waisa nahin

main bhi koi aadmi achchha nahin

aag sine se uThi to ye khula

raushni ke tan pe bhi kurta nahin

waqt ki gardan pe panw tha mera

aadmi se ba-KHuda jhagDa nahin

raaz rakkho yar ka pani bharo

ye ghaDa kachcha to hai chikna nahin

jhil mein bahne lagi hai chandni

kaun kahta hai yahan chashma nahin

ek hasrat si bandhi hai shaKH se

lahlahate phul ka juDa nahin

chashm-e-tar ne ek din mujh se kaha

aankh wo kasa hai jo bharta nahin

hum mohabbat sath rakhte hain 'adim'

aur yahi sikka yahan chalta nahin