jaisa kahta hai tu waisa nahin karne wali
jaisā kahtā hai tū vaisā nahīñ karne vaalī
ab tire saath maiñ achchhā nahīñ karne vaalī
aise dekho nā mohabbat kā gumāñ hotā hai
va.ada lenā hai to va.ada nahīñ karne vaalī
mujh se vāqif ho to inkār ye karte kyuuñ ho
maan lo pyaar ko rusvā nahīñ karne vaalī
mire āñgan ke sabhī phuul bahut mahñge haiñ
apne gulshan ko maiñ sahrā nahīñ karne vaalī
tū majāzī hai haqīqī to nahīñ hai merā
so tire ishq meñ sajda nahīñ karne vaalī
merī fitrat meñ mohabbat hī faqat gūñdhī ga.ī
apnī fitrat se kināra nahīñ karne vaalī
chāñd āñkhoñ meñ liye phirtī huuñ maiñ aaj 'diyā'
ashk palkoñ kā sitāra nahīñ karne vaalī
jaisa kahta hai tu waisa nahin karne wali
ab tere sath main achchha nahin karne wali
aise dekho na mohabbat ka guman hota hai
wada lena hai to wada nahin karne wali
mujh se waqif ho to inkar ye karte kyun ho
man lo pyar ko ruswa nahin karne wali
mere aangan ke sabhi phul bahut mahnge hain
apne gulshan ko main sahra nahin karne wali
tu majazi hai haqiqi to nahin hai mera
so tere ishq mein sajda nahin karne wali
meri fitrat mein mohabbat hi faqat gundhi gai
apni fitrat se kinara nahin karne wali
chand aankhon mein liye phirti hun main aaj 'diya'
ashk palkon ka sitara nahin karne wali
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
