jaise hon lashen dafn purane khanDar ki buniyaad tale

jaise hoñ lāsheñ dafn purāne khañDar kī buniyād tale

ehsās dabe haiñ kitne hī mirī nā-gufta rūdād tale

vo zaat to ek hī zaat hai na har lamha jis ko DhūñDhtā hai

momin nūr-e-īmān tale kāfir sañg-e-ilhād tale

imroz-o-fardā karte rahe tum aur yahāñ ahl-e-hasrat

kitne hī kuchle jaate rahe bār-e-yaum-e-mī.ād tale

kal tak na.ara āzādī kā jin ke hoñToñ kī zīnat thā

vo itmīnān se baiThe haiñ ab ḳhud dām-e-sayyād tale

kar zulm bapā lekin tārīḳh kā ye sach apne zehn meñ rakh

kitne hī zālim dafn hue mazlūmoñ kī fariyād tale

ham ġharb-zada zahrīlī fazā kī zad meñ aa hī sakte nahīñ

ham karte haiñ ta.amīr-e-tamaddun tahzīb-e-ajdād tale

vo aql-garāñ ham ishq-garāñ donoñ meñ taqābul kaisā 'nadīm'

donoñ hī azal se rahte haiñ jab fehrist-e-azdād tale

jaise hon lashen dafn purane khanDar ki buniyaad tale

ehsas dabe hain kitne hi meri na-gufta rudad tale

wo zat to ek hi zat hai na har lamha jis ko DhunDhta hai

momin nur-e-iman tale kafir sang-e-ilhad tale

imroz-o-farda karte rahe tum aur yahan ahl-e-hasrat

kitne hi kuchle jate rahe bar-e-yaum-e-miad tale

kal tak nara aazadi ka jin ke honTon ki zinat tha

wo itminan se baiThe hain ab KHud dam-e-sayyaad tale

kar zulm bapa lekin tariKH ka ye sach apne zehn mein rakh

kitne hi zalim dafn hue mazlumon ki fariyaad tale

hum gharb-zada zahrili faza ki zad mein aa hi sakte nahin

hum karte hain tamir-e-tamaddun tahzib-e-ajdad tale

wo aql-garan hum ishq-garan donon mein taqabul kaisa 'nadim'

donon hi azal se rahte hain jab fehrist-e-azdad tale