jaise jaise aalam-e-imkan badalta jaega
jaise jaise ālam-e-imkāñ badaltā jā.egā
zehn-e-insāñ nit-na.e sāñchoñ meñ Dhaltā jā.egā
ho sake to apnī ḳhushiyāñ dard ke māroñ meñ baañT
zindagī kā kārvāñ to yūñhī chaltā jā.egā
ain mumkin hai use duniyā havas kā naam de
dil kā jo armān bhī dil se nikaltā jā.egā
mere is ik ashk kī qīmat mire hamdam na pūchh
aañkh se jo tere dāman tak machaltā jā.egā
'nāz' us ke ho nahīñ sakte marāhil sadd-e-rāh
jis ko manzil tak pahuñchnā hai vo chaltā jā.egā
jaise jaise aalam-e-imkan badalta jaega
zehn-e-insan nit-nae sanchon mein Dhalta jaega
ho sake to apni KHushiyan dard ke maron mein banT
zindagi ka karwan to yunhi chalta jaega
ain mumkin hai use duniya hawas ka nam de
dil ka jo arman bhi dil se nikalta jaega
mere is ek ashk ki qimat mere hamdam na puchh
aankh se jo tere daman tak machalta jaega
'naz' us ke ho nahin sakte marahil sadd-e-rah
jis ko manzil tak pahunchna hai wo chalta jaega
- Book : Nuquush-e-daaG (Pg. 168)
- Author : Sahir Hoshiyarpuri
- Publication : Haryana Urdu Acadami (1992)
- Edition : 1992
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
