jaise jaise KHud-nawisht-e-dostan paDhte gae

jaise jaise ḳhud-navisht-e-dostāñ paḌhte ga.e

dushmanoñ ke baab meñ kuchh-kuchh varaq jhūTe lage

ḳhush-yaqīñ huuñ mere andar koī hai mahv-e-kalām

maiñ faqat do hoñT huuñ jo bhī kahe vo hī kahe

kyā bharosa pattharoñ meñ Duub jaa.e ābshār

saañs meñ jhakkaḌ chale kab jism kā tuuda Dhahe

regzār-e-sharq meñ ab juue ḳhuuñ hai tez-gām

vo abābīleñ kahāñ haiñ jin se sail-e-ġham thame

halkī-halkī bārishoñ kī jhālroñ kī oT meñ

surmagīñ kohsār ke kāfir nazāre kyā hue

kaun sā rishta hamāre dil ko chhūtā sā lagā

ye samajhnā thā na mushkil garche ham anjān the

ahd-e-ādam se rahe haiñ dushman-e-īmāñ 'shahāb'

pur-kashish ruḳhsār do aur nain do jaadū bhare

jaise jaise KHud-nawisht-e-dostan paDhte gae

dushmanon ke bab mein kuchh-kuchh waraq jhuTe lage

KHush-yaqin hun mere andar koi hai mahw-e-kalam

main faqat do honT hun jo bhi kahe wo hi kahe

kya bharosa pattharon mein Dub jae aabshaar

sans mein jhakkaD chale kab jism ka tuda Dhahe

regzar-e-sharq mein ab jue KHun hai tez-gam

wo ababilen kahan hain jin se sail-e-gham thame

halki-halki barishon ki jhaalron ki oT mein

surmagin kohsar ke kafir nazare kya hue

kaun sa rishta hamare dil ko chhuta sa laga

ye samajhna tha na mushkil garche hum anjaan the

ahd-e-adam se rahe hain dushman-e-iman 'shahab'

pur-kashish ruKHsar do aur nain do jadu bhare