jaise jaise sham ye be-nur hoti ja rahi hai

jaise jaise shaam ye be-nūr hotī jā rahī hai

ye tabī'at bin piye maḳhmūr hotī jā rahī hai

us kā ham se baat karnā yaad karnā pyaar karnā

ik ġhalat-fahmī thī jo ab duur hotī jā rahī hai

is liye hī maiñ na kartā thā kabhī tā'rīf us kī

dekhiye ab din-ba-din maġhrūr hotī jā rahī hai

tum to kahte the bahut hī be-muravvat hai ye duniyā

yaar ye to aap hī majbūr hotī jā rahī hai

kar rahe haiñ nukta-chīñ tanqīd merī shā'irī par

yā'nī merī shaḳhsiyat mash.hūr hotī jā rahī hai

bad-zabānī baap se aur bad-sulūkī vālida se

daur-e-hāzir kā nayā dastūr hotī jā rahī hai

be-ruḳhī par jis ko apnī naaz thā kal tak use bhī

ham se ulfat aur phir bharpūr hotī jā rahī hai

chhoḌ bhī do ab 'asad' din raat us ko yaad karnā

yaar dekho zindagī ranjūr hotī jā rahī hai

jaise jaise sham ye be-nur hoti ja rahi hai

ye tabi'at bin piye maKHmur hoti ja rahi hai

us ka hum se baat karna yaad karna pyar karna

ek ghalat-fahmi thi jo ab dur hoti ja rahi hai

is liye hi main na karta tha kabhi ta'rif us ki

dekhiye ab din-ba-din maghrur hoti ja rahi hai

tum to kahte the bahut hi be-murawwat hai ye duniya

yar ye to aap hi majbur hoti ja rahi hai

kar rahe hain nukta-chin tanqid meri sha'iri par

ya'ni meri shaKHsiyat mashhur hoti ja rahi hai

bad-zabani bap se aur bad-suluki walida se

daur-e-hazir ka naya dastur hoti ja rahi hai

be-ruKHi par jis ko apni naz tha kal tak use bhi

hum se ulfat aur phir bharpur hoti ja rahi hai

chhoD bhi do ab 'asad' din raat us ko yaad karna

yar dekho zindagi ranjur hoti ja rahi hai