jaise suraj dikhlai de jangal mein gum hota sa

jaise sūraj dikhlā.ī de jangal meñ gum hotā sā

ek parinda uḌtā jaa.e bādal meñ gum hotā sā

sho'bada-bāzī thī kirnoñ kī yā nazroñ kā dhokā thā

pīpal ke saa.e ko dekhā pīpal meñ gum hotā sā

phir sūraj kā bachpan dekheñ chiḌiyoñ kī chahkār suneñ

tanhā.ī ke jinn ko dekheñ botal meñ gum hotā sā

andar andar sannāTā hai lekin saarā sannāTā

bāhar kī raunaq meñ Duubī halchal meñ gum hotā sā

ik lamhe kī ek zarā sī bhuul kā ḳhamyāza Thahrā

ek sadī kā lambā 'arsa ik pal meñ gum hotā sā

apnī saarī shoḳh-nigārī palkoñ meñ gum hotī sī

us kī āñkhoñ kā sab jaadū kājal meñ gum hotā sā

khel nahīñ duniyā ko baratnā jab jab jatan kiyā 'shādāb'

ham ne apne aap ko paayā daldal meñ gum hotā sā

jaise suraj dikhlai de jangal mein gum hota sa

ek parinda uDta jae baadal mein gum hota sa

sho'bada-bazi thi kirnon ki ya nazron ka dhoka tha

pipal ke sae ko dekha pipal mein gum hota sa

phir suraj ka bachpan dekhen chiDiyon ki chahkar sunen

tanhai ke jinn ko dekhen botal mein gum hota sa

andar andar sannaTa hai lekin sara sannaTa

bahar ki raunaq mein Dubi halchal mein gum hota sa

ek lamhe ki ek zara si bhul ka KHamyaza Thahra

ek sadi ka lamba 'arsa ek pal mein gum hota sa

apni sari shoKH-nigari palkon mein gum hoti si

us ki aankhon ka sab jadu kajal mein gum hota sa

khel nahin duniya ko baratna jab jab jatan kiya 'shadab'

hum ne apne aap ko paya daldal mein gum hota sa