jaise yaad-e-imbisat-o-gham shakebai ke baad

jaise yād-e-imbisāt-o-ġham shakebā.ī ke baad

der tak rote rahe ham bazm-ārā.ī ke baad

ai sarisht-e-shauq ab nāpaid ho kar dekh le

aur kyā honā hai is hone kī rusvā.ī ke baad

is qadar saffāk kab thī vaqt kī be-manzarī

kor-chashmī se bhī baḌh kar dukh haiñ bīnā.ī ke baad

ḳhud ko pā lene kī hasrat meñ bahut rusvā hue

kuchh sivā rusvā.iyāñ haiñ ab shanāsā.ī ke baad

be-masāfat ik safar dar-pesh rahnā chāhiye

sochte haiñ umr bhar kī jāda-paimā.ī ke baad

kal maiñ ḳhud se silsila-dar-silsila miltā rahā

ālam-e-tanhā.ī jaise dasht-e-tanhā.ī ke baad

hai vahī sahrā magar shādāb kitnā ho gayā

rah-navardān-e-junūñ kī ābla-pā.ī ke baad

dil meñ ab pahlī sī vo gunjā.isheñ baaqī nahīñ

pahle ik dālān aa jaanā thā añgnā.ī ke baad

jaise yaad-e-imbisat-o-gham shakebai ke baad

der tak rote rahe hum bazm-arai ke baad

ai sarisht-e-shauq ab napaid ho kar dekh le

aur kya hona hai is hone ki ruswai ke baad

is qadar saffak kab thi waqt ki be-manzari

kor-chashmi se bhi baDh kar dukh hain binai ke baad

KHud ko pa lene ki hasrat mein bahut ruswa hue

kuchh siwa ruswaiyan hain ab shanasai ke baad

be-masafat ek safar dar-pesh rahna chahiye

sochte hain umr bhar ki jada-paimai ke baad

kal main KHud se silsila-dar-silsila milta raha

aalam-e-tanhai jaise dasht-e-tanhai ke baad

hai wahi sahra magar shadab kitna ho gaya

rah-nawardan-e-junun ki aabla-pai ke baad

dil mein ab pahli si wo gunjaishen baqi nahin

pahle ek dalan aa jaana tha angnai ke baad