jalae jab shola-e-tahayyur to zehn DhunDhe panah kis ki

jalā.e jab sho'la-e-tahayyur to zehn DhūñDhe panāh kis kī

ye kis ke mā'nī hue haiñ sābit ye sūrateñ haiñ gavāh kis kī

ye chashm-e-lailā kahāñ se aa.ī ye qalb-e-mahzūñ kahāñ se ubhrā

jo bā-ḳhabar haiñ unheñ ḳhabar hai nigāh kis kī hai aah kis kī

jamāl-e-fitrat ke laakh partav qubūl-e-partav kī laakh shakleñ

tarīq-e-'irfāñ maiñ kyā batā.ūñ ye raah kis kī vo raah kis kī

ye kis ke 'ishvoñ kā sāmnā hai ki lazzat-e-hosh ho ga.ī gum

ḳhudī se kuchh ho chalā huuñ ġhāfil paḌī hai mujh par nigāh kis kī

jalae jab sho'la-e-tahayyur to zehn DhunDhe panah kis ki

ye kis ke ma'ni hue hain sabit ye suraten hain gawah kis ki

ye chashm-e-laila kahan se aai ye qalb-e-mahzun kahan se ubhra

jo ba-KHabar hain unhen KHabar hai nigah kis ki hai aah kis ki

jamal-e-fitrat ke lakh partaw qubul-e-partaw ki lakh shaklen

tariq-e-'irfan main kya bataun ye rah kis ki wo rah kis ki

ye kis ke 'ishwon ka samna hai ki lazzat-e-hosh ho gai gum

KHudi se kuchh ho chala hun ghafil paDi hai mujh par nigah kis ki