jald kar de gham-e-furqat ke hawale mujhko

jald kar de ġham-e-furqat ke havāle mujh ko

tere milne kī ḳhushī maar na Daale mujh ko

zulm ke naam pe jhuknā nahīñ sheva merā

pyaar ke naam pe koī bhī jhukā le mujh ko

maiñ kisī kī nigah-e-nāz kā dīvāna huuñ

kyā lubhā.eñge chhalakte hue pyāle mujh ko

ab shab-e-ġham ke añdheroñ kā nahīñ ḳhauf koī

mil ga.e haiñ tirī yādoñ ke ujāle mujh ko

tujh ko bhī kar na de barbād mirī barbādī

soch le itnā zarā lūTne vaale mujh ko

maiñ vo parvāna huuñ jis samt chalā jaatā huuñ

gher lete haiñ vahīñ aa ke ujāle mujh ko

maiñ to talvār ke saa.e meñ paḌā huuñ 'nayyar'

kyā Darā.eñge bhalā barchhī-o-bhāle mujh ko

jald kar de gham-e-furqat ke hawale mujh ko

tere milne ki KHushi mar na Dale mujh ko

zulm ke nam pe jhukna nahin shewa mera

pyar ke nam pe koi bhi jhuka le mujh ko

main kisi ki nigah-e-naz ka diwana hun

kya lubhaenge chhalakte hue pyale mujh ko

ab shab-e-gham ke andheron ka nahin KHauf koi

mil gae hain teri yaadon ke ujale mujh ko

tujh ko bhi kar na de barbaad meri barbaadi

soch le itna zara luTne wale mujh ko

main wo parwana hun jis samt chala jata hun

gher lete hain wahin aa ke ujale mujh ko

main to talwar ke sae mein paDa hun 'nayyar'

kya Daraenge bhala barchhi-o-bhaale mujh ko