jali hain dard ki shamen magar andhera hai
jalī haiñ dard kī sham.eñ magar añdherā hai
kahāñ ho kuchh to kaho dil bahut akelā hai
ye kaisā zahr fazāoñ meñ bhar gayā yaaro
har ek aadmī kyuuñ is qadar akelā hai
mire nasīb meñ kab hai ye raushnī kā nagar
mare liye to yahāñ har taraf añdherā hai
jalā.e rakhnā diye pyaar ke maiñ ā.ūñgā
mujhe tumhārī vafā par baḌā bharosa hai
chamak uThe mirī palkoñ pe yaad ke jugnū
ye kis ne pyaar se phir aaj mujh ko dekhā hai
kahāñ kahāñ maiñ use DhūñDhtā rahā 'fārūq'
jo merī ruuh kī gahrā.iyoñ meñ rahtā hai
jali hain dard ki shamen magar andhera hai
kahan ho kuchh to kaho dil bahut akela hai
ye kaisa zahr fazaon mein bhar gaya yaro
har ek aadmi kyun is qadar akela hai
mere nasib mein kab hai ye raushni ka nagar
mare liye to yahan har taraf andhera hai
jalae rakhna diye pyar ke main aaunga
mujhe tumhaari wafa par baDa bharosa hai
chamak uThe meri palkon pe yaad ke jugnu
ye kis ne pyar se phir aaj mujh ko dekha hai
kahan kahan main use DhunDhta raha 'faruq'
jo meri ruh ki gahraiyon mein rahta hai
- Book : Udas Lamhon Ke Mausam (Poetry) (Pg. 84)
- Author : Farooq Bakhshi
- Publication : Modern Publishing House (2003)
- Edition : 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
