jalne ka hunar sirf fatile ke liye tha
jalne kā hunar sirf fatīle ke liye thā
roġhan to charāġhoñ meñ vasīle ke liye thā
sandal kā vo gahvāra jo nīlām huā hai
ik raaj gharāne ke haTīle ke liye thā
ayyāsh tabī.at kā hai ā.īna ik ik iiñT
ye rañg-mahal ek rañgīle ke liye thā
kal tak jo harā peḌ thā kyuuñ suukh gayā hai
jab dhuup kā mausam kisī giile ke liye thā
masjid kā khañDar thā na vo mandir hī kā malba
jo gaañv meñ jhagḌā thā vo Tiile ke liye thā
kāñToñ kā tasarruf use ab kis ne diyā hai
ye phuul to gulshan meñ rasīle ke liye thā
ab rahtā hai jis meñ baḌe sarkār kā kumba
dālān to ghoḌe ke tabele ke liye thā
shohrat kī bulandī pe mujhe bhuul gayā hai
kyā naam mirā 'ramz' vasīle ke liye thā
jalne ka hunar sirf fatile ke liye tha
roghan to charaghon mein wasile ke liye tha
sandal ka wo gahwara jo nilam hua hai
ek raj gharane ke haTile ke liye tha
ayyash tabiat ka hai aaina ek ek inT
ye rang-mahal ek rangile ke liye tha
kal tak jo hara peD tha kyun sukh gaya hai
jab dhup ka mausam kisi gile ke liye tha
masjid ka khanDar tha na wo mandir hi ka malba
jo ganw mein jhagDa tha wo Tile ke liye tha
kanTon ka tasarruf use ab kis ne diya hai
ye phul to gulshan mein rasile ke liye tha
ab rahta hai jis mein baDe sarkar ka kumba
dalan to ghoDe ke tabele ke liye tha
shohrat ki bulandi pe mujhe bhul gaya hai
kya nam mera 'ramz' wasile ke liye tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
