jalta rahe charagh hawaon pe bas nahin

jaltā rahe charāġh havāoñ pe bas nahīñ

hai ehtimām-e-shām koī ham-nafas nahīñ

raste pukārte haiñ hameñ duur duur se

mahsūr-e-zāt hai koī dām-e-qafas nahīñ

vo mil rahā hai ġhair se itne ḳhulūs se

shikva kareñ bhī kyā ki vo ahl-e-havas nahīñ

jhilmil sī yaad palkoñ pe Thahrī rahī magar

dil thā jo be-qarār vo ab ke baras nahīñ

bahte haiñ mauj-e-āb pe sail-e-ravāñ ke saath

tham jaa.eñ rāstoñ pe vo ḳhāshāk-o-ḳhas nahīñ

bin tere aa ke Thahr gayā qāfila kahāñ

sunte haiñ jal-tarañg sadā-e-jaras nahīñ

jalta rahe charagh hawaon pe bas nahin

hai ehtimam-e-sham koi ham-nafas nahin

raste pukarte hain hamein dur dur se

mahsur-e-zat hai koi dam-e-qafas nahin

wo mil raha hai ghair se itne KHulus se

shikwa karen bhi kya ki wo ahl-e-hawas nahin

jhilmil si yaad palkon pe Thahri rahi magar

dil tha jo be-qarar wo ab ke baras nahin

bahte hain mauj-e-ab pe sail-e-rawan ke sath

tham jaen raston pe wo KHashak-o-KHas nahin

bin tere aa ke Thahr gaya qafila kahan

sunte hain jal-tarang sada-e-jaras nahin