jalte hue alaw se bach kar nikal gae

jalte hue alaav se bach kar nikal ga.e

sūraj se duur bhāge to saa.e se jal ga.e

mumkin hai ab hamāre liye rāsta bane

jo apne darmiyāñ the vo jangal nikal ga.e

bhīgī fazā na dasht se qahr-e-'atash gayā

ho kar udhar se kitne hī bādal ke dil ga.e

taara naved-e-sub.h kā kal shab nigāh meñ

chamkā to dard-e-hijr ke mausam badal ga.e

pāgal havā meñ yuuñ bhī sañbhalnā muhāl thā

pattoñ pe the jo os ke qatre phisal ga.e

biktī thī us maqām pe alfāz kī shakar

ham kal jahāñ ḳharīdne mā'nī ke phal ga.e

khīñchī jo sard aah samundar ne dard ke

'vasfī' sadaf kī god meñ motī pighal ga.e

jalte hue alaw se bach kar nikal gae

suraj se dur bhage to sae se jal gae

mumkin hai ab hamare liye rasta bane

jo apne darmiyan the wo jangal nikal gae

bhigi faza na dasht se qahr-e-'atash gaya

ho kar udhar se kitne hi baadal ke dil gae

tara nawed-e-subh ka kal shab nigah mein

chamka to dard-e-hijr ke mausam badal gae

pagal hawa mein yun bhi sanbhalna muhaal tha

patton pe the jo os ke qatre phisal gae

bikti thi us maqam pe alfaz ki shakar

hum kal jahan KHaridne ma'ni ke phal gae

khinchi jo sard aah samundar ne dard ke

'wasfi' sadaf ki god mein moti pighal gae