jalte the tum kun dekh ke ghair anjuman mein hum

jalte the tum kuuñ dekh ke ġhair anjuman meñ ham

pahuñche the raat sham.a ke ho kar baran meñ ham

tujh bin jagah sharāb kī piite the dam-ba-dam

piyāle siiñ gul ke ḳhuun jigar kā chaman meñ ham

laate nahīñ zabān pe āshiq diloñ kā bhed

karte haiñ apnī jaan kī bāteñ nayan meñ ham

marte haiñ jaan ab to nazar bhar ke dekh lo

jiite nahīñ raheñge sajan is yathan meñ ham

aatī hai us kī bū sī mujhe yāsman meñ aaj

dekhī thī jo adā ki sajan ke badan meñ ham

jo kui ki haigā aap kuuñ rakhtā hai aap aziiz

yūsuf haiñ apne dil ke miyāñ pairahan meñ ham

kyuuñ kar na hove click hamārā guhar-fishāñ

karte haiñ 'ābrū' ye taḳhallus suḳhan meñ ham

jalte the tum kun dekh ke ghair anjuman mein hum

pahunche the raat shama ke ho kar baran mein hum

tujh bin jagah sharab ki pite the dam-ba-dam

piyale sin gul ke KHun jigar ka chaman mein hum

late nahin zaban pe aashiq dilon ka bhed

karte hain apni jaan ki baaten nayan mein hum

marte hain jaan ab to nazar bhar ke dekh lo

jite nahin rahenge sajan is yathan mein hum

aati hai us ki bu si mujhe yasman mein aaj

dekhi thi jo ada ki sajan ke badan mein hum

jo kui ki haiga aap kun rakhta hai aap aziz

yusuf hain apne dil ke miyan pairahan mein hum

kyun kar na howe click hamara guhar-fishan

karte hain 'abru' ye taKHallus suKHan mein hum