jalwa-e-hosh-ruba koi dikhaya jae

jalva-e-hosh-rubā koī dikhāyā jaa.e

'ālam-e-shauq ko dīvāna banāyā jaa.e

tū ne duniyā hī badal dī mire armānoñ kī

ġham-e-daurāñ tujhe siine se lagāyā jaa.e

jāgte jāgte qismat ko sulā baiThā huuñ

mirī soī huī qismat ko jagāyā jaa.e

aao ai ḳhvāb-gah-e-nāz kī nīñdo ki tumheñ

jāgtī rātoñ kā andāz dikhāyā jaa.e

hashr ko hashr uThāne kī zarūrat na rahe

hashr se pahle koī hashr uThāyā jaa.e

sāz-e-dil TuuT gayā vaqt gayā naġhmoñ kā

ab javānī kā koī nauha sunāyā jaa.e

aap jalvoñ ko sameTe hue kyoñ baiThe haiñ

ābshāroñ kī tarah nuur luTāyā jaa.e

mauja-e-zulf-e-mo'ambar kā taqāzā hai yahī

nik.hat-o-nūr kā tūfān uThāyā jaa.e

'charḳh' vo mai-kada-bar-dosh ghaTā.eñ aa.iiñ

hurmat-e-tauba ko ḳhātir meñ na laayā jaa.e

jalwa-e-hosh-ruba koi dikhaya jae

'alam-e-shauq ko diwana banaya jae

tu ne duniya hi badal di mere armanon ki

gham-e-dauran tujhe sine se lagaya jae

jagte jagte qismat ko sula baiTha hun

meri soi hui qismat ko jagaya jae

aao ai KHwab-gah-e-naz ki nindo ki tumhein

jagti raaton ka andaz dikhaya jae

hashr ko hashr uThane ki zarurat na rahe

hashr se pahle koi hashr uThaya jae

saz-e-dil TuT gaya waqt gaya naghmon ka

ab jawani ka koi nauha sunaya jae

aap jalwon ko sameTe hue kyon baiThe hain

aabshaaron ki tarah nur luTaya jae

mauja-e-zulf-e-mo'ambar ka taqaza hai yahi

nikhat-o-nur ka tufan uThaya jae

'charKH' wo mai-kada-bar-dosh ghaTaen aain

hurmat-e-tauba ko KHatir mein na laya jae