jalwa-saman ruKH-e-jaanan na hua tha so hua

jalva-sāmāñ ruḳh-e-jānāñ na huā thā so huā

zarra zarra mah-e-tābāñ na huā thā so huā

kuchh to pahle se hī afsurda the ahl-e-gulshan

kuchh ye ġham ḳhūn-e-bahārāñ na huā thā so huā

maiñ ne dekhā hai tirī kam-nigahī kā anjām

āshnā-e-ġham-e-daurāñ na huā thā so huā

ye ināyat ye tirā jūd-o-karam hai ki mujhe

shikva-e-tañgī-e-dāmāñ na huā thā so huā

allāh allāh mai-o-mīnā kā asar bhī kyā hai

kuchh ilāj-e-ġham-e-daurāñ na huā thā so huā

ye tire sher tirā husn-e-taġhazzul 'as.ad'

tire sheroñ se jo shādāñ na huā thā so huā

jalwa-saman ruKH-e-jaanan na hua tha so hua

zarra zarra mah-e-taban na hua tha so hua

kuchh to pahle se hi afsurda the ahl-e-gulshan

kuchh ye gham KHun-e-bahaaran na hua tha so hua

main ne dekha hai teri kam-nigahi ka anjam

aashna-e-gham-e-dauran na hua tha so hua

ye inayat ye tera jud-o-karam hai ki mujhe

shikwa-e-tangi-e-daman na hua tha so hua

allah allah mai-o-mina ka asar bhi kya hai

kuchh ilaj-e-gham-e-dauran na hua tha so hua

ye tere sher tera husn-e-taghazzul 'asad'

tere sheron se jo shadan na hua tha so hua