jalwon ko tere aaj sar-e-‘am dekh kar

jalvoñ ko tere aaj sar-e-‘ām dekh kar

sharminda huuñ maiñ zauq-e-nazar ḳhaam dekh kar

saaqī kī aur baḌh ga.iiñ be-iltifātiyāñ

dast-e-talab meñ TuuTā huā jaam dekh kar

ḳhāroñ ko bhī na hogī tamannā-e-fasl-e-gul

ab mausam-e-bahār kā anjām dekh kar

har zarra dil kā hai ġham-e-jānāñ kī jalva-gāh

chalnā ġham-e-hayāt bahar-gām dekh kar

duniyā bhī mere dil kī talabgār ban ga.ī

merā ḳhulūs merī vafā 'aam dekh kar

'aḳhtar' na jaane kis liye haiñ mujh pe tā’na-zan

kuchh log un ke saath mirā naam dekh kar

jalwon ko tere aaj sar-e-‘am dekh kar

sharminda hun main zauq-e-nazar KHam dekh kar

saqi ki aur baDh gain be-iltifatiyan

dast-e-talab mein TuTa hua jam dekh kar

KHaron ko bhi na hogi tamanna-e-fasl-e-gul

ab mausam-e-bahaar ka anjam dekh kar

har zarra dil ka hai gham-e-jaanan ki jalwa-gah

chalna gham-e-hayat bahar-gam dekh kar

duniya bhi mere dil ki talabgar ban gai

mera KHulus meri wafa 'am dekh kar

'aKHtar' na jaane kis liye hain mujh pe ta’na-zan

kuchh log un ke sath mera nam dekh kar