jam jo tinke kiye the aashiyane ke liye
jam' jo tinke kiye the āshiyāne ke liye
ho ga.e majbūr ham ḳhud hī jalāne ke liye
har ḳhushī kā kuchh na kuchh ġham se ta'alluq hai zarūr
ġham koī laa.e kahāñ se muskurāne ke liye
haañ inhīñ logoñ ne chhup kar ghar jalāyā hai mirā
mehrbāñ ban kar jo aa.e haiñ bujhāne ke liye
kyā huī vo raunaq-e-ā.īna-ḳhāna kyā huī
ik nazar kaafī thī jis ke muskurāne ke liye
raat kī zahrīlī nāgin pī ga.ī jalte charāġh
ham to nikle the añdheroñ ko miTāne ke liye
kitnā sāda-lauh sāda-dil hai 'sābir' aaj bhī
ġham uThātā hai zamāne ke zamāne ke liye
jam' jo tinke kiye the aashiyane ke liye
ho gae majbur hum KHud hi jalane ke liye
har KHushi ka kuchh na kuchh gham se ta'alluq hai zarur
gham koi lae kahan se muskurane ke liye
han inhin logon ne chhup kar ghar jalaya hai mera
mehrban ban kar jo aae hain bujhane ke liye
kya hui wo raunaq-e-aina-KHana kya hui
ek nazar kafi thi jis ke muskurane ke liye
raat ki zahrili nagin pi gai jalte charagh
hum to nikle the andheron ko miTane ke liye
kitna sada-lauh sada-dil hai 'sabir' aaj bhi
gham uThata hai zamane ke zamane ke liye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.