jangal ki udasi ko miTane ke liye tha

jangal kī udāsī ko miTāne ke liye thā

ik giit daraḳhtoñ ko sunāne ke liye thā

ik naqsha bahāyā thā samundar meñ kisī ne

ik naqsha samundar ke ḳhazāne ke liye thā

ik shabnamī raste pe safar narm havā kā

bhīgī huī ḳhushbū ke Thikāne ke liye thā

ik abr ke mausam meñ harī dhuup kā paudā

ḳhvāboñ ke baġhīche meñ ugāne ke liye thā

ik jazba-e-shādāb zamāne kī nazar meñ

rasmoñ kī añgīThī meñ jalāne ke liye thā

manzil pe pahuñch kar mujhe ehsās huā hai

raste meñ paḌā phuul uThāne ke liye thā

jangal ki udasi ko miTane ke liye tha

ek git daraKHton ko sunane ke liye tha

ek naqsha bahaya tha samundar mein kisi ne

ek naqsha samundar ke KHazane ke liye tha

ek shabnami raste pe safar narm hawa ka

bhigi hui KHushbu ke Thikane ke liye tha

ek abr ke mausam mein hari dhup ka pauda

KHwabon ke baghiche mein ugane ke liye tha

ek jazba-e-shadab zamane ki nazar mein

rasmon ki angiThi mein jalane ke liye tha

manzil pe pahunch kar mujhe ehsas hua hai

raste mein paDa phul uThane ke liye tha