jannat se gharaz kuchh hai na gulzar se matlab

jannat se ġharaz kuchh hai na gulzār se matlab

ham ko hai faqat kūcha-e-dildār se matlab

ḳhanjar se ġharaz mujh ko na talvār se matlab

gar hai to tire abrū-e-ḳhamdār se matlab

bose jo yuuñ hiiñ mil ga.e phir laḌne se hāsil

matlab se ġharaz hai hameñ takrār se matlab

tum ḳhuub liye jāoge aur ḳhuub banoge

kahnā na kahīñ us but-e-tarrār se matlab

darbāñ ne ḳhabar kī ki 'haqīr' aa.e hue haiñ

farmāyā nikālo hameñ mai-ḳhvār se matlab

jannat se gharaz kuchh hai na gulzar se matlab

hum ko hai faqat kucha-e-dildar se matlab

KHanjar se gharaz mujh ko na talwar se matlab

gar hai to tere abru-e-KHamdar se matlab

bose jo yun hin mil gae phir laDne se hasil

matlab se gharaz hai hamein takrar se matlab

tum KHub liye jaoge aur KHub banoge

kahna na kahin us but-e-tarrar se matlab

darban ne KHabar ki ki 'haqir' aae hue hain

farmaya nikalo hamein mai-KHwar se matlab