jaur ke baad hai kyon lutf ye aadat kya hai

jaur ke baa'd hai kyoñ lutf ye aadat kyā hai

tum talāfī jo karo is kī zarūrat kyā hai

ek din maan hī jāoge hamārā kahnā

tum kahe jaao yahī terī haqīqat kyā hai

va.ada-e-vasl se inkār hai to qatl karo

tum se ham pūchhte haiñ is meñ qabāhat kyā hai

bosa māñgā to kahā us ne badal kar chitvan

aap ko ye bhī ḳhabar hai mirī aadat kyā hai

haa.e kyā thā vo zamāna ki tum āgāh na the

shukr kis chiiz ko kahte haiñ shikāyat kyā hai

kyā kahūñ kis se kahūñ dil kī haqīqat ai 'dāġh'

sab yahī pūchhte haiñ kahiye to hazrat kyā hai

jaur ke ba'd hai kyon lutf ye aadat kya hai

tum talafi jo karo is ki zarurat kya hai

ek din man hi jaoge hamara kahna

tum kahe jao yahi teri haqiqat kya hai

wada-e-wasl se inkar hai to qatl karo

tum se hum puchhte hain is mein qabahat kya hai

bosa manga to kaha us ne badal kar chitwan

aap ko ye bhi KHabar hai meri aadat kya hai

hae kya tha wo zamana ki tum aagah na the

shukr kis chiz ko kahte hain shikayat kya hai

kya kahun kis se kahun dil ki haqiqat ai 'dagh'

sab yahi puchhte hain kahiye to hazrat kya hai