jaur kis ka hai sitam kis ka hai

jaur kis kā hai sitam kis kā hai

kuchh na pūchho ye karam kis kā hai

dil-e-be-tāb taḌap kar kah de

pūchhte vo haiñ ki ġham kis kā hai

tere kūche meñ batā de sach-much

aaj ye naqsh-e-qadam kis kā hai

jalva-afroz tū hī tū hai tamām

dair kis kā hai haram kis kā hai

dil-e-nāshād abhī tak qaa.em

na taḌapne se bharam kis kā hai

āmad-e-pīr-e-muġhāñ hai shāyad

muntazir shaiḳh-e-haram kis kā hai

charḳh bhī dekh ke chakkar meñ hai

ki ye andāz-e-sitam kis kā hai

be-kasī raah lag apnī ye na pūchh

dhyān mujh ko shab-e-ġham kis kā hai

dil ke be-sāḳhta jo paar huā

haa.e ye tīr-e-sitam kis kā hai

sunte hī bole ye hai nazm 'fahīm'

aisā shoḳh aur qalam kis kā hai

jaur kis ka hai sitam kis ka hai

kuchh na puchho ye karam kis ka hai

dil-e-be-tab taDap kar kah de

puchhte wo hain ki gham kis ka hai

tere kuche mein bata de sach-much

aaj ye naqsh-e-qadam kis ka hai

jalwa-afroz tu hi tu hai tamam

dair kis ka hai haram kis ka hai

dil-e-nashad abhi tak qaem

na taDapne se bharam kis ka hai

aamad-e-pir-e-mughan hai shayad

muntazir shaiKH-e-haram kis ka hai

charKH bhi dekh ke chakkar mein hai

ki ye andaz-e-sitam kis ka hai

be-kasi rah lag apni ye na puchh

dhyan mujh ko shab-e-gham kis ka hai

dil ke be-saKHta jo par hua

hae ye tir-e-sitam kis ka hai

sunte hi bole ye hai nazm 'fahim'

aisa shoKH aur qalam kis ka hai