jazb jalwon mein hua aisa ki jalwa ban gaya

jazb jalvoñ meñ huā aisā ki jalva ban gayā

mujh ko samjho sham’-e-mahfil hastī-e-parvāna kyā

zarra zarra hai jahāñ kā aaj rashk-e-āftāb

phir koī dohrā rahā hai tuur kā afsāna kyā

jaan kar maiñ un ke qadmoñ meñ girā huuñ jhuum kar

maslahat thī 'ishq kī ye laġhzish-e-mastāna kyā

kyā zarūrat hai sune kyoñ vo mirī rūdād-e-ġham

husn kī mahfil meñ dard-e-ishq kā afsāna kyā

allah allāh aaj vo bhī to garebāñ-gīr haiñ

sun liyā hai 'sābir'-e-nāshād kā afsāna kyā

jazb jalwon mein hua aisa ki jalwa ban gaya

mujh ko samjho sham’-e-mahfil hasti-e-parwana kya

zarra zarra hai jahan ka aaj rashk-e-aftab

phir koi dohra raha hai tur ka afsana kya

jaan kar main un ke qadmon mein gira hun jhum kar

maslahat thi 'ishq ki ye laghzish-e-mastana kya

kya zarurat hai sune kyon wo meri rudad-e-gham

husn ki mahfil mein dard-e-ishq ka afsana kya

allah allah aaj wo bhi to gareban-gir hain

sun liya hai 'sabir'-e-nashad ka afsana kya