jazba-e-shauq ko bedar karun ya na karun

jazba-e-shauq ko bedār karūñ yā na karūñ

tū batā de maiñ tujhe pyaar karūñ yā na karūñ

hasratoñ ko gul-o-gulzār karūñ yā na karūñ

tere jalvoñ kā maiñ dīdār karūñ yā na karūñ

maiñ jalā.ūñ na jalā.ūñ tirī yādoñ ke charāġh

dil kī bastī ko pur-anvār karūñ yā na karūñ

jis kī shiddat se taḌapne meñ mazā aatā hai

dil ko us dard se do-chār karūñ yā na karūñ

mere dil tū hī batā soch samajh kar mujh ko

apnī chāhat kā maiñ iz.hār karūñ yā na karūñ

jazba-e-shauq ko bedar karun ya na karun

tu bata de main tujhe pyar karun ya na karun

hasraton ko gul-o-gulzar karun ya na karun

tere jalwon ka main didar karun ya na karun

main jalaun na jalaun teri yaadon ke charagh

dil ki basti ko pur-anwar karun ya na karun

jis ki shiddat se taDapne mein maza aata hai

dil ko us dard se do-chaar karun ya na karun

mere dil tu hi bata soch samajh kar mujh ko

apni chahat ka main izhaar karun ya na karun